Парафія Св. Язафата Кунцэвіча ў Расонах запрашае Вас прыняць удзел у пілігрымках (паломніцтвах) і падарожжах да святых і гістарычных месцаў, што прыцягваюць людзей з розных куткоў усяго свету, выклікаюць захапленне і прыносяць духоўнае ўзбагачэнне.

Вас чакаюць маршруты ў блізкае і далёкае замежжа. Вам прапаноўваецца наведаць Кракаў і Чэнстэхову (Польшча); Вострую браму ў Вільні (Літва); Рым i Ватыкан, Венецыю і Падую (Італія); сабор св.Стэфана ў Вене (Аўстрыя); Прагу (Чэхія); Парыж, Люрд і Авіньён (Францыя), Фаціму (Партугалія); Ерусалім, Віфлiем, Мёртвае мора, абмыванне ў водах Ярдана з Дабраславеньнем (Ізраіль); Барселону, Санцьяга дэ Кампастэла (Іспанія); Люттар, Магдэбург, Браўншвэйг, Берлін, Кельн (Германія); наведайце Грэцыю і Балгарыю, ўбачыце і будзе магчымасць паплюхацца ў Атлантычным акіяне і ў Міжземным моры, i шмат іншага.

Мы імкнемся браць пад увагу заўвагі і прапановы пілігрымаў, каб падарожжы заўсёды былі насычаннымі, цікавымі і маглі заставацца на доўгую памяць, прыносячы багаты духоўны плён.

З намі можа падарожнічаць кожны, у незалежнасці ад канфесійнай прыналежнасці ці светапогляду, з адзіным жаданнем - хацець адкрываць для сябе новыя рэчы і пазнаваць новых людзей, веруючы, што кожны з нас з'яўляецца непаўторным дарам для іншага.